Mikaera Hemara | Music / Performing Arts

Ko Mikaera Hemara tōku ingoa,
He uri tēnei nō Ngati Maniapoto, i waimarie nui ahau mō tōku tipuranga, nā te mea i tipu ake au i roto i ngā kura kaupapa Māori, ā, i roto i te ao Māori hoki.
Nā ngā ahuatanga o tōku tipuranga ahau i ngakau nui ki ngā mahi kapa haka, maurakau, me ngā mahi ako hītori Māori.
Koinei tōku tau tuatahi i roto i te whare wānanga, i mutu moata ahau i te kura kia aro pū ahau ki ōku wawata, arā ko te ako i te hītori o te ao Māori. I raukuratia ahau mai i te kura i te tau rua mano tekau mā iwa, i tīmata ahau i tōku ara ki te whare wānanga i tēnei tau, rua mano rua tekau. He tangata maia, kaha, aro pū ahau ki ngā mahi i mua i tōku aroaro, i arahi ahau i tōku kapa “Te Whare Kura o Ngāpurapura o Te Aroha” i roto i ngā whakataetae a kura, i uru hoki ahau ki ngā whakataetae a motu mō te kapa haka ki te Whanganui-a-tara.
I tū ahau hei kaihaka mō ngā rōpu e toru, ko te kapa o tōku kura, me ngā rōpu pakeke e rua, Motai Tangata Rau nō Raukawa, me Ngā Pua o Te Kowhara nō Maniapoto, i tū hoki ahau ki ngā whakataetae manu kōrero i tēra tau ki ngā whakataetae a rohe o Tainui waka.
Ka tū whirikoka ahau i roto i ngā mahi kapa haka pō te ao, ao te pō.
Kō tōku wawata matua i roto i tēnei ao kia tū hei kaitakoro whutuporo mō ngā kapa hirahira i roto i tēnei ao whānui, kia whakātu hoki ki ngā kaitākaro o te kapo o pango pehea te haka.
He nui rawa tōku hiahia kia angitū i roto i ngā mahi whutuporo, mai i tōku tipuranga ahau i hiahia kia whakātu ki te ao tōku tuakiri me tōku mana mā tēnei kēmu.
E ai ki te kōrero “Kei ōu ringaringa te ao” ko au tēnei e hiki i te mānuka kia tutuki pai au i ōku wawata.